पुणे : ‘महाराष्ट्र नवनिर्माण विद्यार्थी सेनेच्या कोथरूड विभागातर्फे आयोजित केलेल्या ‘राज सन्मान करंडक २०१९’ या राज्यस्तरीय आंतरमहाविद्यालयीन एकांकिका स्पर्धेचे पारितोषिक वितरण २८ जानेवारी २०१९ रोजी दिग्दर्शक गजेंद्र अहिरे व निपुण धर्माधिकारी यांच्या हस्ते कोथरूड येथील यशवंराव चव्हाण नाट्यगृहात करण्यात येणार आहे,’ अशी माहिती स्पर्धेचे आयोजक आणि मनसे कोथरूड विभागाचे अध्यक्ष शशांक अमराळे यांनी दिली.
स्पर्धेची प्राथमिक फेरी नुकतीच पार पडली. त्यातील उत्कृष्ट एकांकिकांची अंतिम लढत २८ जानेवारीला होणार असून, त्यातील विजेत्या संघाला रोख रक्कम आणि सन्मानचिन्ह देऊन गौरविण्यात येणार आहे. महाविद्यालयीन युवक-युवतींना आपले कलागुण सादर करता यावे आणि त्यांना व्यासपीठ मिळावे, हा स्पर्धेचा उद्देश असल्याचे त्यांनी या वेळी सांगितले.
